لکھنؤ، 22/جنوری(ایس او نیوز/آئی این ایس انڈیا)راشٹریہ لوک دل (آر ایل ڈی)کے صدر اجیت سنگھ نے اتوار کو اسمبلی انتخابات کے لیے 18امیدواروں کی تیسری فہرست جاری کر دی ہے۔پارٹی نے دیوبند سے بھوپیشور تیاگی، بڈھانہ سے یوگراج سنگھ، مرادآباد دیہات سے کامران الحق، کند رکی  سے محمد نبی نمبردار، سوار سے نوین کمار گپتا، ولاس پور سے سنتوش شرما، رام پور سے عاصم خاں، دھنورا سے کپل چندرا، امروہہ سے سلیم خان اور سردھنہ سے وکیل چودھری کو ٹکٹ دیا ہے۔اس کے علاوہ میرٹھ کینٹ سے سنجیو دھاما، میرٹھ جنوب سے پپوگوجر، صاحب آباد سے شمشاد چودھری، ڈیوائی سے ستیہ ویر یادو، خورجہ سے منوج گوتم، متھرا ورنداون سے اشوک اگروال،اعتماد پور سے نریند بگھیل اور آگرہ کینٹ سے سودیش کمار سمن (ویرو)کو امیدوار بنایا گیا ہے۔